ವಿಜಯನಗರ:ಹೊಸಪೇಟೆ (ಜಾಗೃತಿ ಬೆಳಕು)
ಫೆ, 25.ವಿಶ್ವಪ್ರಸಿದ್ಧ ಹಂಪಿ ಕ್ಷೇತ್ರದ ಯಂತ್ರೋದ್ಧಾರಕ ಹನುಮಾನ್ ದೇವಸ್ಥಾನಕ್ಕೆ ಕನ್ನಡ ಚಲನಚಿತ್ರರಂಗದ ಖ್ಯಾತ ಹಾಸ್ಯ ನಟ ಹಾಗೂ ಭಾರತೀಯ ಜನತಾ ಪಾರ್ಟಿಯ ರಾಜ್ಯಸಭಾ ಸದಸ್ಯರಾದ ಜಗ್ಗೇಶ್ ಅವರು ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಅವರು ಹಂಪಿಯ ಪವಿತ್ರ ತೀರ್ಥಕ್ಷೇತ್ರಗಳಲ್ಲಿ ಒಂದಾದ ಶ್ರೀಗುರು ರಾಯರ ಗುರುಗಳಾದ ಶ್ರೀ ವ್ಯಾಸರಾಯರು ಅವರು ತಪಸ್ಸು ನಡೆಸಿದ್ದ ಪುಣ್ಯಸ್ಥಳಕ್ಕೂ ತೆರಳಿ ಧ್ಯಾನ ಮಾಡಿದು ವಿಶೇಷವಾಗಿತ್ತು.
ಆಧ್ಯಾತ್ಮಿಕ ಮಹತ್ವ ಹೊಂದಿರುವ ಈ ಸ್ಥಳದಲ್ಲಿ ಕೆಲವು ಸಮಯ ಧ್ಯಾನದಲ್ಲಿ ತೊಡಗಿಸಿಕೊಂಡ ಅವರು ದೇವರ ಕೃಪೆ ಬೇಡಿಕೊಂಡರು.ಭೇಟಿ ವೇಳೆ ದೇವಸ್ಥಾನದ ಪೂಜಾರಿಗಳು ಪೂರ್ಣಕುಂಭ ಸ್ವಾಗತ ನೀಡಿ ಆಶೀರ್ವಾದ ಮಾಡಿದರು.
ಹಂಪಿ ಕ್ಷೇತ್ರದ ಐತಿಹಾಸಿಕ ಮತ್ತು ಧಾರ್ಮಿಕ ಮಹತ್ವದ ಬಗ್ಗೆ ಮಾಹಿತಿ ಪಡೆದುಕೊಂಡ ಜಗ್ಗೇಶ್ ಅವರು, ಈ ಪವಿತ್ರ ಕ್ಷೇತ್ರಕ್ಕೆ ಭೇಟಿ ನೀಡುವುದು ಆತ್ಮಸಂತೋಷ ನೀಡುತ್ತದೆ ಎಂದು ತಿಳಿಸಿದರು.ಈ ಸಂದರ್ಭದಲ್ಲಿ ಸ್ಥಳೀಯ ಮುಖಂಡರದ ಬಿ. ಪ್ರದೀಪ್ ಕುಮಾರ್ ಉಪಸ್ಥಿತರಿದ್ದರು.
ವರದಿ :ಮಹಮ್ಮದ್ ಗೌಸ್
